The World is Easier When Share Our Ideas
 
الرئيسيةGateاليوميةس .و .جبحـثالأعضاءالمجموعاتالتسجيلدخول

شاطر | 
 

 ابوذيااااااااااات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بدر البغدادي
عضو ديشتغل زين
عضو ديشتغل زين
avatar

عدد الرسائل : 34
العمر : 29
الموقع : هولندا
تاريخ التسجيل : 09/12/2008

مُساهمةموضوع: ابوذيااااااااااات   الأربعاء ديسمبر 10, 2008 12:36 am

بعيدي اريدك تقدملي تهــــاني
ويهل الرزق من اشوفك تهاني
ياعالم حبيت مو منتهي آنــــي
وماردت غيرك يمتة تمر علية

عتبات الحب عندك مراحل
واني عن حبك ابد مراحل
واذا غدرت بالحلو مر احل
ومن تفوت غصب ادك تحية

شوفة عيونك وشفايفك ولعني
وكثر حبك الي خليتك والي عني
اريد كل الخير و يا شر ولي عني
اريدك دوم يمي كل صبح و مسية

آخر يوم اشوفك و انت بية
مثل الدم تسري و انت بية
وافرح من تكلي انت بية
لان بية و احسك انت بية

خلاني الوكت وحدي خلاني
بلا اصحاب و عفت كل خلاني
وبحنيتي للغرب صرت بخيل اني
ميت و حياني الشوك الي بية

عيونكم حبتني و خلتني اجلكم
وشكثر احبكم وودكم و جلكم
واجل السفر اجاني و اجلكم
الزمن العرفني بيكم غدر بية

احساسي دلاني و كلت هاي
وكلبي كال التخاويك هاي
مابدلك بكنوز الدنيا نهاي
ببعادك اتمنى النفسي المنية

صديقي شلونك وشلون صحتك
وكفتلي وكفة اسد بس صحتك
عفت كل النصايح و اخذت نصحتك
انكضة العمر و انكملة سوية

ردت روحي بعد فركاك من شفـتك
وبوسة على خدي يا حبيبي من شفتك
وايامي بدونك امســـحها بمنشفتك
ضـمني الك وصـير سـور علية

لو عندك وطن اصيل حبة
واوكع واحظن ترابة وحبة
لان من الحنان ميخلص حبة
لان اسمعة يكول ارجع الية

فرحت هواي من محبوبي رد لي
ولك امتحانك صعب ولك ردلي
والله بالفرح الة اغنيلك يردلي
واخلي كل الناس تركص جوبية

الف هلا بالراح و الجاني
اعدلو زين بين المجني و الجاني
والله شوككم اذاني ووجاني
لاتنسوني ودوم اسالو علية

زاد همي من الحمل طن
محتاج للعراق، يا اجمل وطن
انهزمت منك من الطاب و الطن
مشتاك لجفك من يلزم ادية

اشو عفت كلبي و طلعت من زلة
انطيك مفتاح الكلب ومنزلة
واخليك والي كلبي خوش منزلة
اوف منك كلبي عميت علية


تاج راسي موغيرها بسمة شايف
النجوم شكلة وجهه بالسما شايف
كلبي عندة عيون بس مشايف
واذا زاغت عيونة افكسهن بدية





هو لعب بقانون الحب و حرفة
كام يخربط وصارت خوش حرفة
بالنهاية وكع بيها وانخرس حرفة
وكتب اني جبت لنفسي الاذية

احبج يابنت الناس ترى كم؟
وحبج بوسط الكلب تراكم
عيوني مشتاكة وتريد تراكم
يمتة الفرج و ترضين بية

رفضني وقضيتي صارت محاني
وكلي انساني و من ذاكرتك محاني
ياناس دخيلكم وكلولي محامي
بلجن يغير راية و اكسب القضية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dodo
عضو توب شغلة
عضو توب شغلة
avatar

عدد الرسائل : 104
تاريخ التسجيل : 04/12/2008

مُساهمةموضوع: رد: ابوذيااااااااااات   السبت ديسمبر 13, 2008 2:48 am

thanks Like a Star @ heaven
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بدر البغدادي
عضو ديشتغل زين
عضو ديشتغل زين
avatar

عدد الرسائل : 34
العمر : 29
الموقع : هولندا
تاريخ التسجيل : 09/12/2008

مُساهمةموضوع: رد: ابوذيااااااااااات   السبت ديسمبر 13, 2008 5:41 am

شكرا على الرد
تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذيااااااااااات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Mw Center :: منتدى الحشاشـــــــــــــــــــــــة :: الاشعار-
انتقل الى: