عشرتك روحي صـــــــــــدك..ماتملها.....(لا تملها)
وكَلبي ايام سعـــــــدك ..ماتملها.....(لم يصل اليها)
اريد انصب لروحــــــــــــــي ..ماتملها......(مأتم لها)
واشوفك هم تجي وتبجي عليه
****************************
لو مرة تمر مثل ..الشماتة.........( الشامتين)
وانا لنحرك يلاسمر وك ..شماتة.....(شممتة)
ولك مغرور كَــالولــــــي..بشماتة....(بشامته التي في خده)
****************************
لو رأسا تكول ارجوك ..هدنة........(اتركنا)
وتعاركني وتريد النوب..هدنة..........(الهدنة)
ولك والله العشك ويـــــــــاك..هدنة............(اتعبنا)
مريض اني تعال اسال علية
اريد ابجي واصب الدمع بسطول
عبرت بحور ما تنعبر بسطول
تصح رجال ماكو افعال بسطول
وتصح نسوان وافعالهة بلية
الكلب ظل بس وحدة ورباه
يتيم ومالة احد ورباه
منو المثلي اخذ جرحة ورباه
وكبرنة اعلة القهر احنة سوية
مره أسكت عنكم مره سايل
مره الدمع ناشف مره سايل
مره احتار شكتب من رسايل
مره انـــــطر رسايلكـم اليه
أحبابي شلون حالتكم بعدنا
اشبدينا والوقت عنكم بعدنا
إذا انتم نسيتونا ترانا بعدنا
نذكركم كل صباح وكل مسيه
