The World is Easier When Share Our Ideas
 
الرئيسيةGateاليوميةس .و .جبحـثالأعضاءالمجموعاتالتسجيلدخول

شاطر | 
 

 ابوذيات عراقيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
rafal
عضو توب شغلة
عضو توب شغلة
avatar

عدد الرسائل : 253
العمر : 28
تاريخ التسجيل : 04/12/2008

مُساهمةموضوع: ابوذيات عراقيه   الثلاثاء يناير 06, 2009 8:47 pm

كلتلك رد حبيبي وكلت مارد@
واحس حجيك بنص احشاي مارد@
صرتلك حتى بالفانوس مارد@
كمت كالساع تتامر عليه
***********************
كلبك جان ياولفي محنه@
وليالي الهجروالفركه محنه@
وين بعدت يالكلك محنه@
فراكك صعب يالغالي عليه
***********************
تعال وشوف كلبي ولك سل بي@
لان وياي حجيك دوم سلبي@
يدنيه شما سلبتي بعد سلبي@
بعد ماخاف لو تدنه المنيه
***********************
الكلب حبك وغيرك ابد مختار@
ولدروبك يغالي صبح مختار@
بحبك تاه مخه وصار مختار@
يحط عالناس بس ميحط عليه
***********************
تعال ودوزن بكيفك وتاري@
وصرت لعبة طفل بيدك وتاري@
تور البسمه حطت وتاري@
خبط ويه الشعل وبعَد عليه
**********************
يحلوه حساب احسبيلي وعدي@
اذا خالفت يوم وياج وعدي@
من حبج عليل اصبحت وعدي@
تخاف الناس محد يمر بيه
**********************
اجيتك وبمشيتي الك هميت@
وبيك من الزغر ياترف هميت@
انه بفركتك محسوب هميت@
و بجيتك ترد الروح بيه
**********************
حبك بالكلب غالي وشلته@
ودمعي بيوم هجرانك وشلته@
احب كلبك وصحبانه وشلته@
واحبك حيل يالمبعد عليه
**********************

الك مسكن وسط روحي غرفتين@
واريدا من عسل شفتك غرفتين@
مو بس عسل بيك انته غرف تين@
اطينه من غرف تينك شويه
*********************
اريد اعزف وغنيلك عتابه@
وعليك الكلب ما بطل عتابه@
احن لدار ما انسه عتابه@
وتضل ذكراه دوم تعم عليه
*********************
بثوب العوز اجيتك وانه داوي@
بلهيب النار اطفي وانه داوي@
جرح الكلب ينزف وانه داوي@
اداوي الجرح والعله خفيه
********************
اريد اهل الوفه احسبهم وعدهم@
واضل انتضر جيتهم وعدهم@
لان الكلب ضل يمهم وعدهم@
يضل يمهم لما يعودون اليه
*******************
يدنيه بحبل عتيني وجري@
وحيل بنار جويني وجري@
الوادم سمج مزتهه وجري@
وانه اللبلبي حسره عليه
*****************
اون عليك طول الليل ونهار@
ودمعي فيض الوديان ونهار@
دليلي تمرد بفركاك ونهار@
يمته تعودلي ونلتم سويه
******************
عليك الروح نص الليل ونت@
لان برغي الكلب مفتوح والنت@
ادور عليك بالقاعات والنت@
وينك يا حلو بس رد عليه
*******************
موال الغدر يطرب لبسته@
وعلي ثوب الحزن لايك لبسته@
الفرح من صاحلي انه لبسته@
لان ثوب الفرح ميلوك اليه

*********************

الصاحب من عكس وكتي جريده@
وصرت سعفه بنخل بالي جريده@
مو انه الجنت بيدك جريده@
تحطني ابين اديك وتقره بيه
*********************
تعال ومر عليه وردشوفك@
انه عطشان ميت وردشوفك@
تره انه منشوفك ورد شوفك@
وعطرها يفوح كل ساعه عليه
*********************
مو مثل البتوت الروح بتها@
دشوف شكد بديها يلوك بتها@
احب الشايله عالمتن بتها@
تروح الروح من اتمر عليه
*********************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
HOLAKOO_AL_3RAQIEE
مدير اقسام منتديات MW CENTER
مدير اقسام منتديات MW CENTER
avatar

عدد الرسائل : 411
العمر : 30
الموقع : http://mwcenter.lifeme.net
تاريخ التسجيل : 05/07/2009

مُساهمةموضوع: رد: ابوذيات عراقيه   الإثنين يوليو 13, 2009 7:47 am

شكرا الك حبي رفل على الابوذيات الحلوووووة

_________________
تحياتي
HOLAKOO_AL_RAQIEE
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذيات عراقيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Mw Center :: منتدى الحشاشـــــــــــــــــــــــة :: الاشعار-
انتقل الى: